Dakpan ang usa ka lalaking namaligya og smuggled nga sigarilyo sa Pres. Roxas, Cotabato, alas 9 sa buntag niadtong Nobyembre 9, 2025.
Sa taho sa Pres. Roxas Municipal Police Station, nakadawat sila og tawag gikan sa usa ka concerned citizen may kalabutan sa usa ka lalaking namaligya og smuggled nga sigarilyo sa matag tindahan sa naasoy nga munisipyo.
Daling giadtoan sa mga otoridad ang lugar, nga miresulta sa pagkasikop ni alyas Jo, anaa sa hustong edad, minyo ug residente sa Barangay Salat sa nahisgutang munisipyo.
Narekober sa dinakpan ang usa ka bag nga adunay sulod nga 18 ka reams ug 9 ka packs sa white fort nga sigarilyo nga nagkantidad og P14,144.00.
Ang dinakpan nga suspek ug ang nakuhang mga ebidensiya, gidala sa Pres. Roxas MPS alang sa tukmang disposisyon, samtang ang mga gikinahanglang dokumento giandam na alang sa pagpasaka og reklamong kriminal pinaagi sa inquest proceedings.
Photo Courtesy to:PRO12 Pres. Roxas Municipal Police Station
