Mibida si Jalen Green sa iyang unang duwa sa season human makabalik gikan sa injury, diin nakapuntos siya og 29 ka puntos rason nga gilupig sa Phoenix Suns ang Los Angeles Clippers, 115–102.
Si Green, nga gikan sa blockbuster trade nga nagdala kang Kevin Durant ngadto sa Houston Rockets, wala makaduwa sa unang walo ka duwa tungod sa hamstring injury. Apan sa iyang pagbabalik, mipakita siya og impresibong porma 10 sa 20 ka tira ang nasulod ug nakaplastar og unom ka three-pointers, nga bag-ong rekord sa Suns debut.
Dugang pa, nakatala siya og tulo ka rebounds ug tulo ka assists sulod sa 23 minutos nga pagdula. Matod ni Green, Lipay kaayo ko nga nakabalik, dako akong pasalamat sa training staff sa ilang tabang.
Nakadugang usab si Devin Booker og 24 puntos samtang napalambo sa Suns ang ilang home record nga 4–1 human sa kusgan nga third quarter nga nakakuha og 40 puntos.
Sa laing bahin, si Ivica Zubac ang nanguna sa Clippers uban sa 23 puntos ug 11 rebounds, apan wala makadula si Kawhi Leonard tungod sa ankle sprain ug si James Harden tungod sa personal nga rason.
Mobalos ang Clippers karong Sabado diha sa Los Angeles alang sa ilang sunod nga panag-atubang sa Phoenix Suns.
SOURCE: ABS CBN NETWORK
