Gipaandam na sa Department of Agriculture (DA) ang mga mag-uuma ug mangingisda, alang sa epekto sa bagyong Uwan. Gitambagan sa DA – Disaster Risk Reduction and Management Office mag-uuma, sa pag-ani sa mga tanom nga mahimong anihon, sa dili pa magsugod ang bagyo nga makaapekto niini.
Gibalhin usab sa DA ang mga reserba sa binhi, mga materyales sa pagtanum, ug uban pang mga suplay sa agrikultura sa mas luwas nga mga lugar nga dili maabut sa tubig baha, lakip na ang mga hayop, pagkaon, ug mga tambal. Gilimpyohan usab sa ahensya ang mga kanal sa irigasyon, aron malikayan ang pagbaha ug aron paspas ang pag-agas sa tubig.
Gimando sa DA sa mga mananagat, ang pagbalhin sa mga sakayan sa pangisda ngadto sa mas luwas nga mga dapit. Gitambagan usab sila sa pagpahigayon og sayo nga pag-ani sa mga isda ug uban pang produkto sa aquaculture, ilabi na kung ang maong mga lugar kanunay nga mabahaan.
Gihatagan og gibug-aton sa ahensya nga padayon ang pagmonitor sa kahimtang sa mga umahan, lakip na ang pagbutang sa mga agricultural inputs alang sa mga mag-uuma nga mahimong maapektuhan sa umaabot nga bagyo.
Photo Courtesy to:Abante tonite
