Gipasabot ni Atty. Vermin Quimco, usa ka beteranong abogado sa syudad sa Iligan , ang tumong sa bag-ong balaod nga Filipino Sign Language (FSL) Act, nga naglatid sa paggamit sa sign language sa mga court proceedings.
Matod ni Atty. Quimco, tumong niini mao ang paghatag og patas nga higayon sa mga Person With Disabilities (PWDs) aron sila makapadayag sa ilang ebidensya ug makadawat og patas nga hustisya.
Dugang pa ni Quimco, kinahanglan adunay saktong kahibalo ug kasinatian ang mga interpreter aron masiguro nga eksakto ug klaro ang paghubad sa impormasyon nga gikinahanglan sa mga PWDs, ilabi na kung may kalabotan kini sa kaso nga ilang giatubang.
Gidason pa ni Quimco, dako ang papel sa balaod sa pagpalig-on sa inclusivity ug equal access sa hustisya, usa ka lakang aron walay mabiyaan nga dili madungog sa korte.
