Gideklarar ni Presidente Ferdinand Marcos Jr. ang “State of National Calamity” sa nasud. Kini nunot sa grabeng kadaot sa Bagyong Tino sa Central ug Eastern Visayas ug sa gipaabot nga epekto sa laing bagyo.
Gihimo niini ang deklarasyon atol sa situational briefing sa iyang gabinete sa Office of the Civil Defense headquarters sa Camp Aguinaldo sa Quezon City.
Matod sa presidente nga base sa rekomendasyon sa National Disaster Risk Reduction Management Council (NDRRMC) nga labihan ka peligroso ang nagsingabot nga Bagyong Uwan, angay lang matod pa nga ideklarar ang tibuok nasod ubos sa State of National Calamity.
Kahinumduman nga niabot sa 140 ang patay ug 127 ang missing sa Bagyong Tino nga maoy hinungdan sa lapad nga pagbaha sa Central ug Eastern Visayas.
Photo Courtesy to:PNA
