Gipahibalo sa katawhan sa Caraga nga si Surigao del Sur Governor Johnny Pimentel ang bag-ong gi-appoint nga Chairperson sa Regional Peace and Order Council (RPOC) alang sa Caraga Region.
Ang pagtudlo kang Pimentel pormal nga gipirmahan ni Department of the Interior and Local Government (DILG) Secretary Juanito Victor Remulla ug giaprobahan ni Presidente Ferdinand R. Marcos Jr. Magpadayon si Pimentel sa iyang katungdanan isip RPOC Chair sa Caraga Region gikan 2025 hangtod 2028.
Sa iyang pahayag, nagpasalamat si Governor Pimentel sa pagsalig ug oportunidad nga gihatag kaniya sa Presidente ug sa DILG Secretary. Gipasabot usab sa gobernador nga ang kalinaw ug kahapsay usa sa mga prayoridad sa iyang administrasyon sa Surigao del Sur, ug pinaagi sa bag-ong responsibilidad, mapalapdan pa ang iyang mga inisyatibo aron matabangan ang tibuok Caraga Region.
Gipuli si Gov. Johnny Pimentel kang Alexander Pimentel, nga karon nagaserbisyo isip representante sa ikaduhang distrito sa Surigao del Sur.
Photo courtesy: PNA
