Arestado sa mga kapulisan ang usa ka top 8 most wanted person Provincial level human kini nalutsan sa kasong may kalabutan sa Republic Act 10883, kun Anti-Carnapping Act of 2016.
Kini atol sa gilusad nga law enforcement operation sa may Purok Kamanggahan Barangay Curvada, Tukuran, Zamboanga del Sur, adlaw’ng Huwebes, Novembre 6, 2025.
Wala na pangalani sa PNP Tukuran ang dinakpan nga 51 anyos, lalaki, minyo, usa ka mekaniko ug residente sa lugar.
Ang pagdakop gihimo pinasikad sa gahom sa Warrant of Arrest nga gibitbit sa mga kapulisan sa Tukuran Municipal Police Station, kauban sa Zamboanga del Sur Provincial Intelligence Unit.
Kini giisyu sa Presiding Judge of Regional Trial Court 9th Branch 21, Judicial Region Pagadian City, ug pinitsahan niadtong Novembre 5,2025.
Walay gitugot nga pyansa ang korte bugti sa temporaryong kagawasan sa dinakpan. Tanggong na karon ang dinakpan sa Tukuran Municipal Police Station samtang gihikay pa ang kaso nga isang-at ngadto sa korte.
Photo Courtesy to:Tukuran Municipal Police Station
