Nakahatag na og 62,911 ka Family Food Packs (FFPs) ang Department of Social Welfare and Development (DSWD) Field Office Caraga alang sa mga pamilya nga naapektuhan sa Bagyong Tino sa rehiyon.
Sumala sa datos sa DSWD Caraga, ang pinakadaghan nga natabangan mao ang Surigao del Norte, Province of Dinagat Islands, ug Agusan del Norte, diin daghang pamilya ang nawad-an sa kabtangan ug gipangbakwit tungod sa kalamidad.
Sa Surigao del Norte, nakadawat ug hinabang ang mga lungsod sa Burgos (1,500), Dapa (3,360), Del Carmen (2,000), General Luna (700), Pilar (3,898), San Benito (1,963), San Isidro (2,632), Sta. Monica (500), Socorro (1,700), Bacuag (4,406), Gigaquit (550), Mainit (755), Malimono (1,871), Placer (1,600), Surigao City (4,456), Taganaan (745) ug Tubod (1,303).
Sa Province of Dinagat Islands, gipang-apod-apod ang FFPs sa mga lungsod nga San Jose (2,700), Cagdianao (4,995), Dinagat (942), Tubajon (846), Libjo (2,388), Loreto (1,972) ug Basilisa (5,100).
Samtang sa Agusan del Norte, nakadawat ug ayuda ang Butuan City (1,561), Tubay (1,079), Nasipit (335), Carmen (29) ug Cabadbaran City (2,882).
Sa Agusan del Sur, adunay 4 ka pamilya sa Prosperidad nga natabangan. Samtang sa Surigao del Sur, nakadawat usab ug hinabang ang Bayabas (2,805), Tago (105), Cantilan (389), Carmen (750), ug Madrid (110).
Matod pa sa DSWD Caraga, ang mga hinabang gikan sa Field Office kay gialok alang sa mga operasyon sa pagtubag ug resource augmentation aron masuportahan ang mga local government units sa panahon sa kalamidad ug emerhensiya.
Photo courtesy: PNA
