Posibleng maapektuhan ang probinsya sa Cebu sa mosunod nga bagyo kon kini molihis paingon sa timog nga direksyon gikan sa kasamtangang forecast nga tumong niini mao ang Northern Luzon.
Matod ni Engineer Al Quiblat sa Philippine Atmospheric, Geophysical and Astronomical Services Administration (PAGASA) Mactan, nga apil gihapon sa gitawag nga uncertainty cone o posibleng agian sa bagyo ang pipila ka bahin sa Eastern Visayas, lakip ang Northern Samar, nga posibleng makahatag og dili direkta nga epekto sa Cebu.
Ang bagyo adunay gipalabay nga lawom nga sakop hangtod 400 ka kilometro, hinungdan nga bisan gamay ra ang posibilidad, posibleng maapektuhan gihapon ang rehiyon.
Sa pagkakaron, padayon nga gibantayan sa PAGASA ang bagyong Fung-Wong nga pag-sulod sa Philippine Area of Responsibility posibleng pagatawgon og Uwan.
SOURCE: SUNSTAR
Photo Courtesy to:Philippines Weather Watcher
