Magpahigayon ug lima ka adlaw nga Barangay Outreach and Support Services (B.O.S.S.) Project ang Land Transportation Office–Mati District Office karong umaabot nga Nobyembre 11-15, 2025 didto sa Municipal Gymnasium, Highway, Baganga, Davao Oriental.
Ang maong kalihokan nagtumong sa pagpaduol sa mga importanteng serbisyo sa LTO ngadto sa komunidad pinaagi sa paghatag gahum sa mga barangay, pagpalig-on sa serbisyo publiko, ug pagduso sa kausaban.
Lakip sa mga serbisyo nga itanyag sa LTO Mati mao ang Free Theoretical Driving Course (TDC), Student Permit, Driver’s License Renewal ug Renewal sa Motor Vehicle Registration. Alang sa pagkuha ug student permit magdala lamang sa musunod nga reiskitos mao ang photocopy sa Birth Certificate/ Valid Passport/ National ID, photocopy sa Marriage Certificate alang sa mga minyo nga babaye ug photocopy sa usa ka Valid ID. Alang usab sa Motor Vehicle Renewal magdala lamang ug photocopy sa Certificate of Registration (CR) ug Official Receipt (OR).
Samtang sa mga interesadong partisipante mahimong mag-SCAN sa gitudlo nga QR code alang sa Motor Vehicle Registration ug Student Permit Applications ug alang usab sa dugang impormasyon, mahimong mokontak sa numerong 0981-063-1667 o mag-email sa [email protected].
Photo Courtesy to:LTO R-XI Mati District Office
