Arestado sa kapulisan ang usa ka 57 anyos nga mag-uuma nga nalista isip Top 6 Most Wanted Person (Municipal Level) sa may Purok 5, Barangay Tinga Bolong, Dimataling, Zamboanga del Sur, adlaw’ng Martes, Nobyembre 4, 2025.
Nanguna sa joint manhunt operation ang mga personahe sa Bayog Municipal Police Station, Dimataling MPS, ug Zamboanga del Sur Provincial Intelligence Unit diin bitbit nila ang warrant of arrest gumikan sa kasong murder batok sa suspetsado.
Ang warrant of arrest gi-isyu sa Presiding Judge, Regional Trial Court, 9th Judicial Region, Branch 21, Pagadian City, pinetsahan kaniadtong Agosto 18, 2025.
Walay gitugot ang korte nga kantidad sa salapi nga pweding ipyansa sa dinakpan bugti sa iyang temporaryong kagawasan.
Ang dinakpan nga suspetsado sa karon nakakustudiya na sa Bayog Municipal Police Station alang sa pagpasaka sa tukmang kaso.
Photo Courtesy to:Bayog Municipal Police Station
