Napalgang patay ang usa ka 72 anyos nga lalaking mag-uuma human naghunos sa kaugalingong kinabuhi sulod sa ilang panimalay sa may Purok 2, Barangay Baki, Aurora, Zamboanga del Sur, adlawng Martes, Nobyembre 4, 2025.
Sa inisyal nga imbestigasyon sa kapulisan, nadiskubrehan na lang sa asawa nga nagbitay na ang biktima sulod mismo sa ilang kwarto.
Dali nga gitaho sa asawa ang maong hitabo ngadto sa Barangay CVO Chairman aron mapahibalo ang insidente ngadto sa mga otoridad.
Dali usab nga miresponde ang Aurora MPS ug Municipal Health Officer sa lugar ug nakumpirma nga wala nay kinabuhi ang biktima.
Sa gipalawman nga imbestigasyon nasuta nga nakasinati ug depresyon ang biktima sulod sa tulo ka tuig nga gituohang maoy hinungdan sa pagkutlo niya ug unay sa iyahang kinabuhi.
Mibalibad na usab ang kabanay ilabina ang asawa nga mapailawom sa otopsiya ang patay’ng lawas sa biktima.
Photo for illustration credits to:BBC
