Nagmugna si Pangulong Ferdinand Marcos Jr. ug usa ka inter-agency committee alang sa development ug promosyon sa sports tourism sa Pilipinas.
Gihulma sa Pangulo ang National Sports Tourism Inter-Agency Committee (NST-IAC) pinaagi sa Administrative Order No. 38.
Pangunahan sab sa Komite ang bidding ug pag-host sa international sporting events aron pakusgan pa ang large-scale domestic sports tourism activities.
Ang komite lingkuran sa Philippine Sports Commission isip chairperson, samtang ang Department of Tourism usab ang magsilbi nga vice-chairperson.
Ang mga miyembro maggikan sa Department of the Interior and Local Government, Department of Budget and Management, Tourism Infrastructure and Enterprise Zone Authority, Philippine Amusement and Gaming Corporation, ug duha sa private sector representatives gikan sa tourism sector.
Ang kamanduan gipirmahan ni Executive Secretary Lucas Bersamin niadtong October 29, 2025.
Photo Courtesy to:Journal Online
