Naglaom si Brgy Bulua Kapitan Al Legaspi Jr. nga magpadayon na ang maayong tempo sa panahon karung giwagtang na ang signal no. 1 sa Cagayan de Oro human nga misaka na sa Visayas area ang Bagyong Tino.
Alayon niini, hinay hinay nang nakabalik sa ilang mga panimalay ang 26 ka mga pamilyang gikan sa Zone 7 ug Zone 9 nga namakwit tungod sa hulga sa pag baha gumikan sa Bagyong Tino.
Atol sa pagpasilong sa mga naapektuhan sa bagyo, wala sila pakyasa sa Brgy. Council sa pag hatag kanila sa pagkaon ug temporaryong matulgan.
Dugang pa ni Kapitan Legaspi nga walay puas ang ilahang monitoring ug pagpaningkamot aron nga maluwas ang mga lumulupyo sa baha ug mahatagan sa tukmang ayuda.
Photo courtesy: Barangay Bulua- Kap Legaspi
