Nanawagan ang National Resource and Logistics Management Bureau (NRLMB) sa Department of Social Welfare and Development (DSWD) og dugang mga volunteer.
Tumong nga makatabang sa pag-repack ug pag-apod-apod sa mga relief goods sama sa family food packs sa Luzon Disaster Resource Center (LDRC) sa Pasay City, isip tubag sa kadaot nga gipahinabo sa bagyong Tino.
Para sa mga gusto nga moboluntaryo, ang iskedyul gikan Lunes hangtod Domingo gikan alas 8:00 sa buntag hangtod alas 5:00 sa hapon.
Adunay usab ubang mga kapilian, para sa Shift 1, kini gikan alas 8:00 sa buntag hangtod alas 12:00 sa udto samtang ang Shift 2 gikan alas 1:00 sa hapon hangtod alas 5:00 sa hapon.
Alang sa mga pangutana, mahimo motawag sa mosunod nga mga numero: 0993-495-5458 / 0969-179-5117 o magpadala og email sa volunteer.nrlmb@dswd.gov.ph.
Photo Courtesy to:PIA
