Gipasalig sa Department of Energy (DOE) nga nagpabiling igo ang suplay sa kuryente ug lana sa nasod tungod sa kadaot nga gipahinabo sa Bagyong Tino sa pipila ka mga rehiyon.
Subay sa pamahayag, gibutyag sa ahensy nga nakig alayon na kini sa mga stakeholder sa sektor sa enerhiya, lakip ang mga sektor sa power generator, lana, ug sa distribution sector, aron masiguro ang padayon nga serbisyo ug dali nga pagpahiuli sa mga linya nga nadaot sa bagyo.
Matod sa DOE, normal gihapon nga nag-operate ang Luzon, Visayas, ug Mindanao grids, apan pipila ka on-grid power plants sa Cebu ug Negros Occidental ang kasamtangang giayo human kini gikusokuso sa bagyong Tino.
Base sa datus sa National Grid Corporation of the Philippines (NGCP), duha sa mga transmission lines sa Leyte ug Surigao ang na-restore na, apan pipila ka linya wala gihapon magamit sa Visayas ug Negros.
Diin sa kinatibuk-an, 57 ka electric cooperatives sa 35 ka probinsiya ang gimonitor sa DOE; walo niini walay kuryente samtang kinse (15) ang adunay partial power interruptions.
Gibanabana nga kapin sa usa ka milyon nga koneksyon sa mga konsumidor angkasamtangag gipailawom sa restoration. Sa laing bahin, ang mga hydropower dam ug mga pasilidad sa gasolina nagpabilin nga nag-operate, samtang upat ka mga electric vehicle charging stations sa Cebu ug Butuan City ang offline pa tungod sa pagkawala sa kuryente.
Matod ni Energy Undersecretary Felix William Fuentebella, padayon nga nakig-alayon ang DOE sa tanang energy stakeholders alang sa luwas ug paspas nga pagpabalik sa suplay sa kuryente sa nasod.
Photo Courtesy to:PNA
