Padayon nga nagpakita sa iyang gikusgon ang Bagyong Tino samtang kini nagpadayon sa pag-igo sa hilagang bahin sa Palawan. Sa pinakaulahing report, gibanabana nga anaa kini sa kadagatan sa Linapacan, Palawan. Adunay kini kusog nga hangin nga 120 km/h duol sa sentro ug huros sa hangin nga moabot sa 165 km/h.
Naglihok kini pa west-northwest sa tulin nga 15 km/h. Ang sirkulasyon sa hangin gikan sa bagyo mikabat sa 300 kilometro ang gilapdon.
Mga lugar nga apektado: Signal No. 4 Amihanang bahin sa Palawan lakip ang Calamian Islands; Signal No. 3 Amihanang bahin sa Palawan lakip ang Cuyo Islands; Signal No. 2 Habagatang bahin sa Occidental Mindoro; Habagatan nga bahin sa Oriental Mindoro, Tunga-tungang bahin sa Palawan lakip ang Cagayancillo Islands; Signal No. 1 Ang ubang bahin sa Occidental Mindoro lakip ang Lubang Islands; Ang ubang bahin sa Oriental Mindoro; Kasadpang bahin sa Romblon; Habagatan nga bahin sa Palawan lakip ang Kalayaan Islands; Mga bahin sa Visayas: Aklan, Antique, Capiz, Iloilo, ug Guimaras.
Gipahimangnoan sa mga awtoridad ang tanan nga mga residente sa apektadong lugar nga magbantay batok sa kusog nga hangin, pagbaha, ug landslide, samtang padayon ang pagbantay sa Philippine Atmospheric, Geophysical and Astronomical Services Administration (PAGASA) sa lihok sa bagyo.
Photo courtesy: PIA
