Gisuspende ang tanang klase sa tanang lebel sa mga pampubliko ug pribadong tunghaan sa Tandag City karong adlawa, Nobyembre 4, 2025, kini base sa Executive Order No. 46, s. 2025 nga gipagula sa lokal nga panggamhanan.
Gawas niini, ubos sa Executive Order No. 46-1, s. 2025, gipasuspende usab ang tanang operasyon sa mga government offices, private offices, ug business establishments sulod sa siyudad sa susama nga petsa.
Ang maong lakang gibuhat aron maseguro ang kahapsay ug kaluwasan sa publiko samtang nagpadayon ang pagbantay ug pagpangandam batok sa posibleng epekto sa Bagyong “Tino.”
Gihangyo sa City Disaster Risk Reduction and Management Office (CDRRMO) – Tandag City ang tanan nga magpabilin nga alerto samtang nagpaabot sa dugang nga mga pahibalo gikan sa mga otoridad.
Photo courtesy: LGU Tandag
