Mother is gonna be a mother!, Ang “Call Me Maybe” hitmaker nga si Carly Rae Jepsen mipahibalo sa social media nga siya nagpaabot sa iyang unang baby.
Sa iyang Instagram post, makita si Carly nga nag-flex sa iyang baby bump uban sa bana niyang si Cole MGN, usa ka music producer. Sa caption, simple ra niyang giingon, “Oh hi baby,” nga nagpasabog ug kasadya sa iyang mga fans nga nagbaha sa heart emojis sa comment section.
Gikumpirma ni Carly ang iyang pagminyo kang Cole MGN niadtong Oktubre, human sa ilang engagement sa 2024.
Ang maong balita sa iyang pagbuntis misunod lang human iyang gipagawas ang 10th Anniversary Edition sa iyang album “Emotion”, nga adunay bag-ong mga kanta ug remixes.
Kahinumduman, si Carly Rae usa sa mga headliner sa Wanderland Music Festival sa 2023, diin nakit-an pa siya nga nag-enjoy sa Intramuros ug nakatilaw ug dirty ice cream.
PHOTO COURTESY TO: GMA NEWS
