Nagpadayon ang pagkusog sa Bagyong Tino ug nadugangan pa ang mga dapit nga naapektuhan niini. Sumala sa Philippine Atmospheric, Geophysical and Astronomical Services Administration (PAGASA), nakita ang sentro sa bagyo sa dagat nga sakop sa Dinagat Islands. Aduna kini gikusgon sa hangin nga moabot sa 150 kilometers per hour ug pagbugso nga kutob sa 205 kph.
Nakataas ang Signal Number 4 sa mga dapit nga Guiuan, Mercedes sa Eastern Samar; Mahaplag, Abuyog, Baybay City, Inopacan, Hilongos, Hindang, Bato, Matalom, Javier, MacArthur, La Paz, Mayorga, Burauen, Isabel, Merida, Albuera, Dulag, Julita, Palompon sa Leyte; Lapu-Lapu City, Cordova, Mandaue City, Cebu City, Balamban, Asturias, Danao City, Compostela, Liloan, Consolacion, Borbon, Carmen, Tuburan, Catmon, Sogod, Tabuelan, Tabogon, San Remigio, Bogo City, Toledo City, Talisay City, Minglanilla sa Cebu, lakip ang Camotes Islands; Pres. Carlos P. Garcia, Getafe, Trinidad, Ubay, Bien Unido, Talibon sa Bohol; Vallehermoso, Canlaon City sa Negros Oriental; San Carlos City, Salvador Benedicto, Calatrava, Toboso, Escalante City, Sagay City, Cadiz City, Manapla, Victorias City, Enrique B. Magalona, Silay City, Talisay City, Bacolod City, Murcia, Bago City, Pulupandan, Valladolid, La Carlota City, San Enrique, Pontevedra, La Castellana sa Negros Occidental, Guimaras, Dinagat Islands, ug Siargao ug Bucas Grande Islands.
Nakataas usab ang Signal Number 3 sa pipila ka mga dapit sa Eastern Samar, Samar, Leyte, Cebu, Bohol, Negros Oriental, Negros Occidental, Iloilo, Capiz, Antique, ug uban pang lugar sa Visayas ug Mindanao.
Samtang Signal Number 2 ang gibutang sa mga lugar sa Masbate, Romblon, Mindoro, Palawan, Samar, Leyte, Biliran, Bohol, Cebu, Negros, Siquijor, Capiz, Aklan, Antique, Surigao del Sur, Agusan del Sur, Agusan del Norte, ug Camiguin.
Signal Number 1 usab ang nasinati sa ubang bahin sa Bicol, Quezon, Marinduque, Mindoro, Palawan, Samar, Northern Samar, Surigao del Sur, Agusan, Misamis, Bukidnon, ug Zamboanga del Norte.
Sa pagkakaron gitabok sa Bagyong Tino ang Homonhon Islands ug Dinagat Island, diin gilauman nga mag-landfall kini sa Leyte o Southern Leyte karong adlawa Nobyembre 4.
Gilauman nga magpabilin ang gikusgon niini sa dihang mag-landfall ug magdala sa kusog nga pag-ulan sa mga lugar nga anaa sa ilalum sa typhoon signal.
Photo courtesy to: DOST-PAGASA
