Nanawagan si Senate Committee on Finance Chairman Senador Sherwin Gatchalian sa hinanaling pag-ayo sa mga classroom nga naguba sa sunud-sunod nga mga kalamidad gikan sa Hunyo hangtod Oktubre ning tuiga, aron dili na mograbe pa ang kakuwang sa tunghaan sa nasud.
Gipangusgan sa senador nga kinahanglang aksyonan dayon sa gobyerno tungod kay adunay posibilidad nga mosaka pa ang kakuwang karon nga mokabat sa 165,000 ka classrooms kon malangan ang pag-ayo.
Gitumbok usab niya ang kamahinungdanon sa lig-on ug molungtad nga mga school building, ilabi na sa mga dapit nga prone sa bagyo ug linog.
Tumong sa iyang panawagan nga masiguro nga dili mabalda ang pagkat-on ug mapalambo pa ang kaluwasan sa mga estudyante sa tibuok nasud.
Photo Courtesy to:Manila Bulletin
