Kwalipikado ang bisan kinsa nga mga Minimum Wage Earner sa “Benteng Bigas Meron Na” sa Department of Labor and Employment (DOLE) Zamboanga del Sur ug sa National Food Authority (NFA) Zamboanga del Sur.
Matod ni Senior Labor and Employment Officer Engr. Yusep Abduhasad, tanang mga minimum wage earner mahimong maka-avail sa programa apan kinahanglan lang nga magpadala ug letter request ang kompanya nga interesado diha sa ilang buhatan.
Gisaysay ni Engr. Abduhasad, ang pagbaligya sa benteng bigas kinahanglan ug validation gikan sa HR sa kompanya aron maklaro nga ang tanang mga nakapalit ug nakabenepisyo lehitimo nga Minimum Wage Earner sa lalawigan.
Kahinomduman, sa unang roll out sa Benteng Bigas Meron Na sa Zamboanga del Sur, aduna nay nakapahimulos nga 621 nga mga Minimum Wage Earner gikan sa Gaisano Pagadian ug AIMCOOP.
