Gipaabot sa Civil Aviation Authority of the Philippines (CAAP) ang kapin sa 5.8 milyones ka mga pasahero nga moagi sa mga airport tibuok nasod karong Nobiyembre ug Disyembre, tungod sa nagpadayon nga pagsaulog sa Undas ug sa umaabot nga pagsaulog sa Pasko.
Sumala ni Eric Apolonio, CAAP Spokesperson, gilauman nga motaas pa ang ihap sa mga pasahero sa ning tuiga kumpara sa nakalabay nga tuig nga nga mikabat lang sa 4.8 milyones.
Samtang, gitaho sa ahensya nga wala’y natala nga insidente sa mga mga airport nga adunay kalabotan sa pagsaulog sa Undas 2025.
Gitambagan sa CAAP ang publiko nga magmapailubon, tungod kay gipaabot nga motaas ang ihap sa mga pasahero, ilabi na kadtong mamauli gikan sa probinsiya.
Gihatagan usab og gibug-aton ni Apolonio ang kamahinungdanon sa pagkamabinantayon ug paglikay sa mga komedya bahin sa mga bomb threat , aron dili makadugang sa kahasol sa mga operasyon sa airport.
Photo Courtesy to:Inquirer.net
