Girekomenda karun sa Independent Commission for Infrastructure (ICI) nga pasakahan ug kasong kriminal ug administratibo sila Sen. Jinggoy Estrada, Senador Joel Villanueva, Ako Bicol party-list Rep. Elizaldy “Zaldy” Co ug uban pang mga indibidwal kinsa mga nalambigit sa gikaingong “ghost” flood-control projects.
Matod ni ICI Chair Andres Reyes kagahapong adlawa nga girekomenda sa komisyon ang pagpasaka ug mga kaso batok sa mga nasampit nga personalidad, diin lakip na niini sila Commission on Audit Commissioner Mario Lipana ug kanhi Caloocan Second District Rep. Mitch Cajayon-Uy.
Dugang pa ni Reyes nga human sila makadawat sa mga gipanumpaang affidavits ug napamatud-ang mga ebidensya gikan ni kanhi Department of Public Works and Highways (DPWH)–Bulacan District Engineer Henry Alcantara ug kanhi DPWH-Bulacan Assistant District Engineers Brice Ericson Hernandez ug Jaypee Mendoza gilakip sa ICI ang unom ka mga opisyal sa referral niini.
Nasuta usab ni Reyes nga ang “kickback scheme” miresulta sa pagsaka sa gasto sa proyekto, substandard nga implementasyon ug pag-diversion sa binilyon ka pesos nga pundo sa publiko sulod sa pipila ka tuig.
Gani, matod pa niya nga ang Komisyon nakadiskobre sa usa ka giingong sistematikong ‘kickback scheme’ diin ang mga nasampit nga magbabalaod, nga naglihok isip mga tigpasiugda sa proyekto. Gikataho usab nga ang mga pagbayad gipaagi sa mga inhenyero sa DPWH diin nagtinabangay ang mga kontraktor aron makuha ang mga awards sa proyekto.
Photo Courtesy to:
