Pormal nga gipangulohan ni Gobernador Johnny T. Pimentel ang seremonya sa pagpanumpa sa bagong napiling mga opisyal sa Provincial Business Club atol sa 2nd Provincial Business Conference nga gipahigayon sa dakbayan sa Tandag kini aron padayong mamuno sa organisasyon ug magsuporta sa pagtubo ug inobasyon sa lokal nga negosyo sa tibuok lalawigan.
Sa iyang mensahe, gipasiugda ni Governor Pimentel ang importansya sa panaghiusa tali sa gobyerno ug pribadong sektor aron mapalambo pa ang Micro, Small, and Medium Enterprises (MSMEs) nga gilangkuban sa daghang lokal nga negosyante sa Surigao del Sur.
Ang Provincial Business Club mipasalig usab nga magpadayon sa pagpalambo sa entrepreneurship ug magpahigayon sa 3rd Provincial Business Conference sa tuig 2026, nga nagtimaan sa ilang padayon nga komitment sa pagpanguna ug paglig-on sa negosyo sa lalawigan.
PHOTO COURTESY: PIA- SURIGAO
