Walay low pressure area (LPA) nga gibantayan nga posibleng mahimong bagyo sulod o gawas sa Philippine Area of Responsibility (PAR), sumala sa DOST-PAGASA karong alas-8 sa buntag.
Gipasabot sa ahensya nga padayon nga magbantay ug magmonitor sa mga opisyal nga update ug pahibalo sa DOST-PAGASA aron mahibal-an dayon kung adunay kalit nga kausaban sa panahon.
Apan ang probinysa sa Davao del Norte makasinati og mga psoibleng pag-ulan gumikan sa Intertropical Convergence Zone (ITCZ), base sa gipaguwang datus sa DOST-PAGASA Oktubre 28, 2025.
Sumala sa ulahing datos nga gipagawas sa PDRRMO Davao del Norte, normal pa ang lebel sa tubig sa Menzi Bridge-Santo Tomas, Magupising Bridge-Tagum River, Pagsabangan Bridge, Libuganon River ug Saug Dam.
Samtang ang kahimtang sa kadagatan anaa sa 0.6 hangtod 2.1 meters ang pagbalod. Kabahin sa klima, natala ang minimum temperature nga 25.1°C alas 6:00 sa buntag ug maximum nga 32.6°C alas 12:00 sa buntag. Ang adlaw usab musubang alas 5:51 sa buntag ug mosalop kini alas 5:30 sa hapon.
Photo Courtesy to:DOST-PAGASA
