Usa ka dili katuohan nga panghitabo ang gisaysay sa mga katawhan sa usa ka barangay sa Zamboanga del Sur, nga ang bagakay nga kawayan kuno adunay gahom nga makapahadlok sa mga dili ingon nato.
Matod sa mga nakasaksi, basta kuno kini ibagis o ipaigo sa kalsada, makamugna kini ug kusog nga saba nga mura’g buto sa armas, ug kon mahitabo kana, mawala o dili mo duol ang mga kalag nga nagpalibot.
Sumala sa mga tigulang sa lugar, kini nga klase sa kawayan gituohang “tigmaling” o espirituhanong panalipod batok sa dautan. Daghang residente ang mitestigo nga matag gabii nga ilang ibagis kini sa daplin sa dalan, mawala ang mga kalit nga tingog ug kalit nga hangin nga naghatag kahadlok kanila.
Bisan pa man sa mga pasalig sa mga lumulupyo, wala pa gihapon siyentipikong ebidensiya nga nagapamatuod sa gahum sa maong bagakay. Apan alang sa mga tawo sa barangay, mas maayong mutuo kaysa mosulay, kay sumala pa nila, “kung makapahimulos sa kalinaw, nganong dili nato tuohan?”
Photo Courtesy to:Dabawenyo lumad
