Misulay pa og sibat ang usa ka driver human naka Hit and Run sa kadalanan nga nahitabo sa Purok 7, Barangay Crossing Sta. Clara, lungsod sa Naga niadtong nakalabay nga adlaw.
Base sa inisyal nga imbestigasyon sa kapulisan, samtang nagbiyahe sa parehas nga direksyon ang usa ka Bajaj nga kolor pula, usa ka Ford Ranger nga kolor aluminum metallic ug usa ka motorsiklo nga Honda XR nga kolor pula/itom nga kombinasyon,nabanggaan sa Ford Ranger ang likod sa Bajaj og sa nakaparadang motor.
Human sa insidente, mikalagiw ang driver sa Ford Ranger paingon sa Ipil nga direksyon apan dali siyang nadakpan sa kapulisan sa Naga nga naglunsad ug hot pursuit operation.
Walay samad ang mga drayber sa Bajaj ug Ford apan ang pasahero sa Bajaj nakaangkon og Minor injury og gilayon nga gihatod sa pinakamaduol nga tambalanan alang sa medikal nga pagtagad.
