Gipasalig sa Department of Tourism kon (DOT) nga pabiling luwas ug bukas ang Sugbo sa mga turista human sa magnitude 6.9 nga linog nga miigo niadtong Septiyembre.
Matod sa DOT, ang mga dagkong tugpahanan ug pantalan sa Metro Cebu, apil ang Mactan-Cebu International Airport, Cebu Baseport, ug mga pantalan sa Santa Fe, Maya, ug Kawit, fully operational pa.
Walay nataho nga kadaot sa mga dagkong hotel samtang ang nakahiagum og gamay nga kadaot nakabalik sa normal nga operasyon human makumpirma nga luwas.
Gipasalig usab sa ahensya nga luwas ang mga destinasyon sama sa Malapascua ug Gato Island alang sa diving ug island tours, base sa marine assessments nga gihimo sa lokal nga kagamhanan ug accredited dive operators.
Ang DOT nidugang nga negosyo sama sa naandan ang turismo sa tibuok Sugbo ug Central Visayas, tungod kay gisusi ug gideklarar nga luwas ang mga pampublikong lugar ug atraksyon.
Matod ni Tourism Secretary Christina Frasco, ipadayon sa DOT ang tanang gitakdang kalihokan sa Sugbo aron mabanhaw ang turismo ug makatabang sa 2,062 ka mga trabahante sa turismo nga naapektuhan sa linog, nga nakadawat na og hinabang sa pagkaon ug gikatakdang makadawat og cash assistance ug livelihood training.
Photo Courtesy to:Rappler
