Giklaro sa Iligan City Police Office (ICPO) ang kalabot sa Padrino System, pinaagi ni PMAJ. Zandrex Panolong-Police Information Officer sa ICPO, atol sa eksklusibong pakighinabi sa Juander Radyo news team.
Sumala ni Panolong, gipaninguha sa kapulisan nga maputol na ang daan nga sistema sa pag-apply sa Philippine National Police (PNP) diin kasagarang adunay “backer” o koneksyon sa mga tag-as nga posisyon.
Gipunting niya nga angay hatagan og higayon ang mga aplikante nga adunay tinuod nga potensyal, ug nga ang pagdawat sa serbisyo kinaanglang ibase sa merito, abilidad, ug pagpangandam, og dili sa kaila o koneksyon.
Dugang pa niya, gipasabot usab kini sa mga misalmot sa interview alang sa Attrition Quota 2025, aron masiguro nga transparent ug patas ang proseso sa pagpili sa mga bag-ong miyembro sa kapulisan dinhi sa Iligan.
