Gipahayag ni Acting Philippine National Police (PNP) Chief Lt. Gen. Jose Melencio Nartatez Jr. nga walay gitawag nga “padrino” system sa proseso sa pagrekrut sa ahensya sa pagpatuman sa balaod.
Ang PNP nagkinahanglan og 6,589 ka mga rekrut karong tuiga alang sa ilang attrition quota, o ang gidaghanon sa mga rekrut nga gikinahanglan aron mapabilin ang saktong ihap sa mga tawo sa ilang nagkalain-laing yunit.
Matod pa ni Nartatez, atol sa flag-raising ceremony sa Camp Crame kagahapong adlawa nga gipaniguro nila sa publiko nga kini himoon ubos sa nameless, faceless recruitment system, nagpasabot nga walay padrino, walay tigpaluyo, ug walay special treatment.
Matod pa ni PNP public information chief Brig. Gen. Randulf Tuaño, mahimong ipasa sa mga aplikante ang mga gikinahanglan sa aplikasyon ngadto sa ilang lokal nga istasyon sa pulisya o ipasa kini online.
Kinahanglan lamang nga ipasa ang birth certificate sa aplikante nga gipagula sa Philippine Statistics Authority, College diploma ug transcript of record nga nagpakita sa general weighted average, Certificate of good moral character gikan sa eskwelahan nga gitunghaan, Eligibility certificate ug report of rating gikan sa National Police Commission, Civil Service Commission, o Professional Regulation Commission.
Gidugang ni Tuaño nga ang mga aplikante kinahanglan usab nga Filipino citizen ug kinahanglang makapasar sa body mass index, psychological, drug, ug physical tests nga gidumala sa PNP.
Photo courtesy: Misamis Oriental Police Provincial Office
