Gilauman sa Philippine Ports Authority nga moabot sa 2.2 milyones ka pasahero ang modagsa sa Batangas Port atol sa Undas 2025.
Ang maong pantalan usa sa pinakadako sa nasud, diin moagi ang mga pasahero gikan Metro Manila paingon sa Visayas, Mindanao, ug uban pang isla sa Southern Luzon.
Kagahapong adlawa, mibisita si Acting Transportation Secretary Giovanni Lopez aron susihon ang kahandaan sa pantalan.
Gitan-aw niya ang ticketing booths, security measures, ug mga pasilidad alang sa kaluwasan ug kaharuhay sa mga pasahero.
Gipasabot sa PPA nga padayon ang koordinasyon sa mga shipping companies ug kapulisan aron masiguro ang hapsay ug luwas nga biyahe karong kalagkalag.
Photo Courtesy to: Philstar.com
