Magbutang ang US sa ilahang aircraft carrier strike group sa Caribbean Region. Matud ni Defense Secretary Pete Hegseth nga iyang gimandoan ang Gerald R. Ford strike group, nga naa sa Europe, nga mobalhin sa Caribbean Region.
Miingon siya nga ang misyon niini mao ang hingpit nga pagbungkag sa Transnational Criminal Organization ug pakigbatok sa narco-terrorism sa nahisgutang rehiyon.
Ang militar sa US nagpahigayon og sobra sa 10 ka operasyon sa Caribbean region, diin moabot sa 43 ka tawo ang namatay sukad nila gipakusog ang kampanya sa miaging bulan.
Photo Courtesy to:CNN
