Nagpasidaan ang Bureau of Immigration (BI) human kini nunot sa pagpauli sa 6 pa ka Pilipino gikan sa Cambodia nga gitarget sa mga scammers. Sumala pa nga padayong misaka ang ihap sa mga Pinoy nga ilegal nga nibiya sa nasod aron manarbaho sa nagkadaiyang dapit sa Asya.
Gipahimangnoan ni Bureau of Immigration (BI) Commissioner Joel Anthony Viado ang mga nangitag trabaho sa gawas sa nasud bahin sa pagsaka sa mga iligal nga tanyag nga trabaho sa lainlaing mga nasud sa Asya, tungod kay nagkadaghan ang mga mangingilad nga recruiters nga biktima sa mga Pilipino nga nangita trabaho sa gawas sa nasud.
Ang unom ka repatriates lakip niini ang duha ka lalaki nga nag-edad 29 ug 27, ug upat ka babaye nga nag-edad 21, 26, ug 29 miabot kaniadtong Miyerkules sa buntag gikan sa Phnom Penh, Cambodia.
Matod sa BI, usa sa unom ang niagi og ilegal nga rota o “backdoor” paingon sa Palawan, samtang ang lima nibiya sa nasod isip mga turista gikan sa Manila.
Unom ka mga biktima gipangayuan og USD 2,000 ug USD 8,000 alang sa ilang kagawasan, apan ilang gipili ang pag-agwanta sa sitwasyon diin ang usa kanila nakaikyas dihang gisugo nga moadto sa usa ka mall aron mopalit ug mga gamit.
Matod sa BI, kadaghanan sa mga biktima nahaylo sa peke nga mga advertisement sa trabaho ug nahaylo sa taas nga sweldo apan apil sa scam hubs.
Photo Courtesy to:Assistance.ph
