Gipakita na sa upat ka mga senador ang ilang Statement of Assets, Liabilities, and Net Worth kon SALN. Boluntaryong gibutyag ni Senador Risa Hontiveros ang iyang kinatibuk-ang bahandi nga mobalor og mga Php19-M.
Gisundan kini ni Senador Robin Padilla, nga adunay net worth nga Php244-M, ug si Senate President Vicente Sotto III, nga adunay kinatibuk-ang kabtangan nga Php188.9-M.
Ikaupat, gipublikar ni Senador Sherwin Gatchalian ang iyang Statement of Assets, Liabilities, and Net Worth nga nagkantidad og Php89.5-M.
Base sa dokumento, si Gatchalian walay gipahayag nga utang o liabilities. Duha ka residential condominium units ang nalista sa iyang real property nga adunay kinatibuk-ang balor nga Php40.1-M.
Aduna usab siyay personal assets, lakip ang shares of stock, cash in bank, ug motorsiklo, nga adunay kinatibuk-ang kantidad nga Php49.3-M.
Kahinumduman, nga giingon ni Gatchalian nga kung walay ginatago, way problema sa pagpagawas sa Statement of Wealth. Dugang pa, nga wala siya nagdumili sa paghatag og kopya sa iyang kinatibuk-ang kabtangan.
Giingon usab niini, nga wala siyay nakitang kabalaka sa seguridad sa pagpahibalo sa publiko sa mga kabtangan sa mga opisyal sa gobyerno.
Source:ABS-CBN
Photo Courtesy to:Senate of the Philippines website
