Gipaguro ni President Ferdinand Marcos Jr. nga magpadayon ang gobyerno sa pagahin ug pondo ug suporta aron mapalig-on pa ang kapasidad sa Philippine Coast Guard (PCG). Sumala sa Presidente, magpadayon sila sa pag-invest alang sa mga bag-ong barko, sakyanan alang sa kahanginan command posts, ug mga modernong communication system.
Palapdan ug lig-onon usab ang training, pasilidad, ug logistics aron mahatagan ug dungog ug dignidad ang matag miyembro sa PCG sa pagtuman sa ilang katungdanan. Matod pa Isip kabahin sa pagpaayo sa kahimtang sa mga kawani, nagtukod usab ang gobyerno sa PCG General Hospital, Maritime Law Enforcement Training Center sa Misibis, ug ang First Responder and Nursing Service Facility.
Tumong niini nga masiguro ang maayong kahimtang sa mga sakop sa PCG, bisan pa sa dagat o sa yuta.
Miangkon usab ang Presidente nga nag-atubang ang gobyerno og mga hagit sa pagpabalik sa pagsalig sa katawhan, apan iyang gisiguro nga mabalik kini pinaagi sa pagkamatinud-anon ug pagka-abli sa ilang misyon.
Gipasiugda usab sa Presidente nga ang dagat, bisan puno sa mga hagit ug kausaban, naghatag gihapon og ganti sa mga magpabiling matinud-anon sa ilang serbisyo.
Gidayeg usab sa Presidente ang PCG tungod sa ilang dili hitupngan nga dedikasyon, disiplina, integrity, ug excellence sa public service.
Photo courtesy: pco.gov.ph
