Nakahimo ug kasaysayan ang Albania human ipahimutang sa kalibutan ang unang Artificial Intelligence (AI) minister, usa ka maisugong lakang padulong sa AI-driven governance.
Ang digital nga opisyal, nga gitawag nga “Diella,” gitahasan sa pagdumala sa mga desisyon sa public tender ug sa pagpaniguro sa transparency ug integridad sa tanang operasyon sa gobyerno. Ang tumong niini mao ang pagbatok sa korapsyon ug pagpaayo sa serbisyo publiko pinaagi sa teknolohiya.
Si Diella maglihok isip usa ka AI-based governance system nga motan-aw sa datos, motino sa mga iregularidad, ug magmugna dayon ug mga rekomendasyon aron mapadayon ang katarungan ug kasaligan sa mga transaksiyon sa gobyerno.
Sumala sa mga eksperto, ang lakang sa Albania mahimong modelo alang sa ubang nasud nga gustong iaplikar ang AI sa pangagamhanan ug anti-corruption programs.
Ang Albania karon nagtan-aw sa kaugmaon diin ang AI mahimong integral sa pagdumala sa publiko, usa ka lakang nga posible usab sundon sa uban pang nasud sa Europe ug sa kalibutan.
via: Reuters
