Gipahibalo karon sa pamilya Atienza ang pagkamatay sa ilang anak, si Emman “Eman” Atienza, sa ilang balay sa Los Angeles niadtong Oktubre 22. Sumala sa LA County Medical Examiner, ang hinungdan sa kamatayon mao ang suicide.
Sa usa ka post sa Instagram, nangayo og pag-ampo ug privacy ang pamilya Atienza, ug gihangyo ang publiko nga hinumduman si Eman pinaagi sa iyang kaisog, ug pagkamaayo sa matag adlaw.
Si Eman, kamanghuran anak ni TV host Kim Atienza, nailhan sa social media tungod sa iyang pagkamapainubsanon ug sa iyang bukas nga paghisgot sa mental health journey. Bisan pa man sa mga kontrobersiya nga iyang nasinati sama sa viral nga post bahin sa usa ka restaurant bill ug sa mga litrato nga nakadani og reaksyon nagpabilin siyang tinuod sa iyang kaugalingon ug matinud-anon sa mga isyung personal nga iyang giatubang.
Ang katapusang update ni Eman sa iyang TikTok account nahitabo tulo ka adlaw bago ang insidente, diin makita pa ang iyang bonding uban sa mga higala.
Daghang mga artista ug personalidad sa industriya sa showbiz ang nagpahayag sa ilang kasubo sa pamilya Atienza, lakip na sila Ferd Evangelista, Billy Crawford, Marian Rivera, ug Anne Curtis, human sa pagkawala sa batan-ong si Eman.
via: feliciaatienzaIG
