Dakpan ang usa ka babaye nga nailhan sa alyas “Love,” Top 10 Most Wanted Person atol sa gipahigayon nga Law Enforcement Operation sa Barangay New Lituban, lungsod sa Siocon, probinsya sa Zamboanga del Norte.
Ang suspetsado gidakop tungod sa kalapasan sa Republic Act 9165 o ang Comprehensive Dangerous Drugs Act of 2002. Ang operasyon gipahigayon base sa warrant of arrest nga giisyu sa korte, diin wala,y girekomendar nga pyansa.
Gipangunahan ang operasyon sa mga personahe sa Siocon Municipal Police Station uban sa RMFB 9 ug 2nd ZNPMFC, nga miresulta sa malampusong pagsikop sa maong suspetsado.
Karon, temporaryong gikustodiya sa Siocon MPS ang dinakpan samtang ginasikaso ang mga papeles alang sa pag-turn over niini ngadto sa korte nga nag-isyu sa warrant.
Sumala pa sa Siocon MPS, ang maong kalampusan resulta sa walay puas nga commitment ug dedikasyon sa PNP sa pagpaningkamot nga madakpan ang mga malapason sa balaod.
