Gipasalig sa Pag-IBIG Fund nga ang tinigom sa kapin sa 17 milyon nga mga miyembro sa ahensya luwas ug maayo taliwala sa mga hagit sa ekonomiya.
Sumala sa CEO sa Pag-IBIG Fund nga si Marilene Acosta, ang Pag-IBIG fund nagpabilin nga lig-on ug nagtubo, nga karon adunay kinatibok-ang asset nga P1.7 trilyones.
Dugang ni Acosta, kini usa ka pamatuod sa maayong pagdumala ug padayon nga pagsalig sa mga miyembro.
Gipasiugda niya nga ang ahensya dili mahutdan og pundo basta ang mga miyembro magpadayon sa pagbayad sa ilang mga utang, tungod kay ang mga utang gikan direkta sa ilang mga kontribusyon.
Gidugang ni Acosta nga ang matag piso nga gisalig sa Pag-IBIG gipanalipdan ug gipatubo aron ang tinigom magpabilin nga mapuslanon.
Ngpadayon ang ahensya sa paghatag og barato nga pabalay ug mubo nga termino nga mga pautang alang sa mga miyembro.
Photo courtesy to:PNA
