Gipasabot ni Marlon Clapano, head sa Security Management Division,Iligan City, ang kabahin sa Individual Performance Commitment and Review (IPCR), ug ang Division Performance Commitment and Review (DPCR) , nga gihatag nga challenge sa amahan sa syudad alang sa matag departamento.
Sa eksklusibong pakighinabi sa Juander Radyo News Team, niingon si Clapano nga ang IPCR mao’y basihan sa paghatag og ₱50,000 nga bonus alang sa usa ka gatos nga regular employees sa City Government.
Matod pa niya, kung makita nga dili performing ang usa ka empleyado, dili kini makadawat og tibuok nga ₱50,000 bonus, tungod kay ibasi kini sa individual performance evaluation.
Gidugang pa ni Clapano nga hingusgan usab niya ang paghatag ug sanction sa mga empleyado nga dili performing aron masabtan nila ang ilang katungdanan ug mapaayo ang ilang trabaho.
Matud niya kini nga sistema, nagdasig sa mga kawani nga mas molihok ug magserbisyo sa katawhan pinaagi sa husto ug epektibo nga pagtrabaho.
