Gikwestyon ni Senador Rodante Marcoleta nganong padayon gihapon nga nagkulang ang suplay sa kuryente sa nasud bisan pa man nga matud pa dako kaayo ang dependable energy capacity sa Pilipinas.
Atol sa pag-imbistiga sa Senado sa gisugyot nga pondo sa Department of Energy (DOE) alang sa 2026, gipadayag sa ahensya nga moabot sa 27,000 gigawatts ang kasaligan nga suplay sa kuryente nga mas taas kumpara sa 19,000 gigawatts nga aktuwal nga konsumo sa nasud.
Gipasabot ni Energy Secretary Sharon Garin, nga nagkalain-lain ug lokasyon ang mga power plant busa dili patas ang distribusyon sa kuryente. Dugang pa niya, aduna usab mga planta nga nadaot o temporaryong wala mag-operate, busa dili gayud hingpit nga kasaligan ang mga numerong gipakita.
Gikuhaan ug basihan ,ang daghang mga planta nga anaa sa Luzon, apan limitado ang mga linya sa transmisyon. Gihatagan usab ug gibug-aton ni Garin nga kadaghanan sa mga planta anaa sa Luzon, apan tungod sa kakulang sa mga transmission line, nagpadayon gihapon ang kakulang sa kuryente sa ubang rehiyon.
Sa pagkakaron, nagpadayon ang DOE sa usa ka halapad nga assessment sa tanang power plant sa nasud, ug gilauman nga mahuman ang review sa dili pa matapos ang tuig.
Photo courtesy to: abs-cbn.com
