Usa ka talagsaong Suit nga gihimo gikan sa bigote ug balbas ang opisyal nga giila sa Guinness World Records. Kini nga proyekto usa ka kolaborasyon nila visual artist Pamela Kleemann-Passi, Bullfrog Creative Agency, ug POLITIX (Australia) niadtong Nobyembre 2021, ug gihimo aron ipataas ang kahibalo bahin sa kahimsog sa mga kalalakihan. Kini ang unang suit nga gihimo gikan sa bigote.
Ang maong suit gihimo aron ipahibalo ang mga seryosong isyu sama sa testicular ug prostate cancer nga makamatay. Sumala sa mga datos, kini ang pipila sa mga nag-unang hinungdan sa kamatayon sa mga lalaki apan kasagaran nga dili kaayo hisgutan.
Dali kining nakadawat og daghang pag-ila, lakip na ang Gold Award sa Spikes Asia. Sulod sa lining sa suit, adunay nakasulat nga mensahe nga “Get tested, talk openly, and listen to your body” usa ka pahimangno nga gisulat mismo ni Kleemann-Passi.
Ang detalyado ang paghimo sa suit nga gipangulohan ni Pamela, nga migamit sa lain-laing kolor sa balbas. Para kang Kleemann-Passi, dako ang personal nga kahulugan sa proyekto tungod kay namatay ang iyang bana tungod sa cancer niadtong 2016.
Photo courtesy: POLITIX
