Hugot nga gikondena ni Senador Bam Aquino, ang Chairman sa Senate Committee on Basic Education, ang Department of Public Works and Highways o DPWH, human kini mopadayag sa pagdungog sa Senado nga 22 ra ka classrooms ang nahuman pagtukod karong tuiga layo kaayo sa target nga 1,700 ka classrooms alang sa tuig 2025.
Gipakita ni Aquino ang iyang kalagot ug kasubo sa sitwasyon ug nagpasidaan nga kung magpadayon ang hinay kaayo nga pagpanguna sa DPWH, posible nga moabot sa 200-mil ka classrooms ang backlog sa tuig 2028. Kini, matod pa niya, usa ka dakong krisis sa edukasyon sa nasud.
Sa pagdungog, gihatagan usab og pagtagad ang proposed budget sa DPWH alang sa tuig 2026, diin nakita ang dakong kalahi-an sa mga presyo sa konstruksyon.
Gipasabot pa ni Senador Aquino nga base sa pagbana-bana sa mga grupo sa mga inhenyero ug pribadong sektor, muabot og Php3.5 milyon ang gasto sa DPWH matag usa ka classroom, nga nagduda ang senador nga adunay kahuyang sa implementasyon ug paggamit sa pondo.
Photo courtesy: Bam Aquino
