Giila nga Captain of the Year si Ilomavis Barangay Chairman Jimmy Mantawil sa 9th Nation Builders Award ug MosLiv Award 2025.
Sa pakighinabi sa Juander Radyo kay Kapitan Mantawil, gisaysay niini nga wala siya nangandoy sa maong award apan malipayon kini sa maong pasidungog nga iyang nadawat.
Dugang pa, nga ang basehan sa maong award mao ang performance sa usa ka Kapitan sa Barangay sa pagpatuman sa mga programa ug proyekto alang sa ikaayo sa katawhan.
Matod pa, sukad sa iyang paglingkod niadtong tuig 2018 isip ika-limang Kapitan sa nahisgutang Barangay, gihagit dayon kini niadtong tuig 2019 kung asa gitay-og og kusog nga linog ang Probinsya kung asa usa ang iyang Barangay sa labing naapektuhan sa kalamidad.
Dako kini nga hagit kaniya matod pa, apan tungod sa tabang sa National, Provincial, City Government ug mga opisyales sa Barangay, ilang nalagpasan ang maong pagsulay og nahatagan og panimalay ang mga apektadong pamilya.
Nag-inusarang Kapitan lamang sa Probinsya sa Cotabato si Mantawil nga makadawat sa maong pasidungog. Pagadawaton ni Kapitan ang maong award sa Nobyembre 27 ning kasamtangang tuig sa Okada Manila.
Photo courtesy to:Nation Builders Award ug MosLiv Award
