Gipasalig sa Sugar Regulatory Administration (SRA) nga walay kakulangon sa suplay sa asukal sa nasud hangtod sa tuig 2026, bisan pa nga ipinatuman ang temporaryong pagdili sa pag-angkat o importation sa maong produkto hangtod sa tunga-tunga sa sunod tuig.
Sumala ni SRA Administrator Pablo Azcona, nga anaa sa husto ug luwas nga lebel ang reserbang asukal sa nasud, human sa anihan nga natapos niadtong bulan sa Setyembre. Giingon usab nga padayon ang pag-ani sa pipila ka mga rehiyon, ilabi na sa mga sugar-producing provinces sa Negros, Batangas, ug Bukidnon, nga naghatag dugang kapasidad sa domestic suplay.
Kahinumduman nga ipinatuman sa Department of Agriculture (DA) ang temporaryong pagdili sa sugar importation aron mapugngan ang sobra nga suplay nga hinungdan sa pagkanaug sa presyo sa lokal nga asukal, nga nakaapekto sa kita sa mga mag-uuma.
Sumala pa sa SRA, ang pagdumili sa importasyon usa ka lakang nga makapalig-on sa lokal nga industriya sa asukal, ug maghatag og panahon sa mga mag-uuma aron makabawi sa presyo ug mapauswag ang kalidad sa ilang ani.
PHOTO COURTESY TO: DZME1530.PH
