Gidawat sa Probinsiyal nga panggamhanan sa Surigao del Sur ug sa mga nagkadaiyang lokal nga pangagamhanan sa lalawigan ang PHP135-M nga pondo nga gihatag gikan sa opisina ni Presidente Ferdinand “Bongbong” Marcos Jr.
Ang maong kantidad gamiton aron matabangan ang mga proyekto sa lokal nga mga lungsod ug mapalapdan ang serbisyo publiko alang sa katawhan sa tibuok Surigao del Sur.
Sumala sa provincial government, ang pondo, gilangkuban sa pagpaayo sa infrastructure, social services, ug uban pang panginahanglanon sa mga residente.
Si Governor Johnny Pimentel, mipasabot nga dako kini nga tabang aron masiguro ang padayon nga pag-uswag sa ekonomiya sa lalawigan ug aron matubag ang panginahanglan sa mga katawhan labi na sa mga kabus ug lagyo nga barangay.
Gilauman nga pinaagi sa maong ayuda, mapalig-on pa ang koordinasyon tali sa lokal ug nasyonal nga gobyerno aron masiguro nga ang mga proyekto makahatag og tinuod nga kaayohan sa publiko.
PHOTO COURTESY TO: PhilHealth
