Nagpabilin ang kabalaka sa sektor sa agrikultura tungod sa padayon nga pagtaas sa presyo sa mga produkto nga gikan sa lokal nga mga mag-uuma, hinungdan sa smuggling ug hording o ang intensyonal nga pagtipig sa dagkong kantidad sa produkto aron kontrolon ang supply ug presyo sa merkado.
Matod ni Political Science Professor Ramon Beleno III nga tungod sa hording, kalit nga mosaka ang presyo bisan og sa tinuod, barato ug daghan pa ang ani nga gikan sa mga lokal nga mag-uuma.
Sumala sa Department of Agriculture, gipatuman na karon ang mas hugot nga monitoring batok sa hording ug profiteering ilawom sa RA 12022, labi na sa mga lalawigan sa Agusan del Sur ug Surigao del Sur, diin daghan ang nag-uma sa humay, mais, ug gulay.
Gitutokan usab sa Bureau of Customs ug sa mga local task force ang pag-monitor sa mga bodega ug cold storage facilities aron malikayan ang pagtipig ug pag-kontrol sa supply.
PHOTO COURTESY TO: BAYUGAN CITY POLICE STATION
