Giturn-over sa Lokal nga Panggamhanan sa lungsod sa Tagbina ang ₱300,000 nga concreting project sa barangay road sa Barangay Quezon, ilawom sa KALAHI-CIDSS Phase 3 Padayon Project sa Department of Social Welfare and Development (DSWD).
Ang maong proyekto gipangulohan ni Mayor Glaiza Jane Polizon-Lanete, uban sa tabang sa Barangay Council nga gipangulohan ni Punong Barangay Adelfa T. Diaz, ug sa mga Community Volunteers nga aktibong mitampo aron mahuman ang proyekto sa tukmang panahon.
Ang proyekto usa ka timaan sa epektibong kolaborasyon tali sa Lokal nga Panggamhanan, DSWD, ug mga katawhan, nga nagtungha sa tinuod nga panaghiusa aron mahatagan ug konkretong solusyon ang panginahanglan sa imprastruktura sa barangay.
Ang proyekto sa Barangay Quezon naglakip sa pagkongkreto sa karsada nga nagdugtong sa sentro sa barangay ug mga umahan, nga magpasayon sa pagbiyahe sa mga produkto ug serbisyo ug gilauman nga kini makahatag ug dakong tabang sa mga mag-uuma ug estudyante sa adlaw-adlaw nga transportasyon.
PHOTO COURTESY TO: DPWH REGION XIII
