Nasakmit sa mga personahe sa Kidapawan City Police Station, ang kapin sa 100 ka reams sa smuggled mga sigarilyo sa gipahigayong entrapment operation sa Barangay Poblacion, Kidapawan City, buntag niadtong adlawng Miyerkules Oktubre 22, 2025.
Giila ang dinakpan nga si alyas Rolly, anaa sa hustong edad ug residente sa Purok 5, Barangay Lanao sa nahisgutang syudad.
Nakumpiska sa otoridad ang 46 reams sa Maharlika, 23 reams sa Bravo, 27 reams sa FarStar, ug 7 reams sa Fort nga nagkantidad og P20,000.00.
Sa taho, gisugo lamang matod pa ang dinakpan nga mohatod sa nahisgutang sigarilyo ug dili niini personal nga kaila ang nisugo kaniya.
Sa karon, anaa na sa kustodiya sa Kidapawan City Police Station ang dinakpan lakip na ang mga nakumpiskang kontrabando alang sa dokumentasyon ug tukmang disposisyon.
